پاکستانی صارفین کیلئے سام سنگ کی شاندار پیشکش، اب آپ اپنے موبائل کے بدلے گلیکسی S6 ایج یا نوٹ 5 حاصل کرسکتے ہیں بشرطیکہ۔۔۔

29 جنوری 2016 (20:48)

آبا

د(مانیٹرنگ ڈیسک) سمارٹ فون کی صنعت میں ایپل اور سام سانگ دو بڑی حریف کمپنیاں ہیں اور ایک دوسرے کو نیچا دکھانے کے لیے مختلف اقدامات اٹھاتی رہتی ہیں۔ اب سام سنگ پاکستانی صارفین کے لیے ایک انتہائی منفرد پیشکش متعارف کروانے جا رہی ہے۔ ویب سائٹ ”پروپاکستانی“ کی رپورٹ کے مطابق سام سنگ پاکستانیوں کے لیے جو آفر متعارف کروانے جا رہی ہے اس کے تحت کوئی بھی پاکستانی اپنے آئی فون6یا 6ایس کے ساتھ گلیکسی ایس 6ایج یا گلیکسی نوٹ 5کو تبدیل کر سکتا ہے۔محدود مدت کی یہ آفر یکم فروری سے 31مارچ تک کارآمد ہوگی۔

اس عرصے کے دوران کوئی بھی شخص اپنے متذکرہ آئی فون ماڈلز کو گلیکسی کے فونز کے ساتھ تبدیل کر سکتا ہے۔ آئی فون دے کر سام سنگ کے یہ ماڈل لینے والے شخص کو کمپنی کی طرف سے گیئر وی آر(Gear VR) مفت میں فراہم کیا جائے گا۔ لوگ پاکستان میں موجود چند منتخب سام سنگ سٹورز پر یہ آفر حاصل کر سکتے ہیں۔ اس کے علاوہ ایس ای ایس اور ہیرو شاپس پر بھی آئی فون کو سام سنگ گلیکسی کے ساتھ تبدیل کیا جا سکتا ہے۔آپ متعین کردہ دکان پر جا کر اپنے آئی فون کی قیمت کا تخمینہ لگوائیں گے، اور اگر آپ اس قیمت پر رضامند ہو گئے تو باقی رقم ادا کرکے گلیکسی کے اوپر بتائے گئے دونوں ماڈلز میں سے ایک لے سکیں گے۔